දුරුතු පුර හඳ

රිදී තැටියක් සදිසි දුරුතු පුර හඳ පළුව​

හිඳී යන්තම් එබී " මනුකව් " අහස් ගැබ​

එලා ඇතිරිලි සිනිඳු රන්හුයෙන්​ වියන ලද

“වයිටාකරෙ” කඳු පන්ති සයනයේ

විඩාපත් හිරු මඬළ ​ සැතපිලා 

වළා විරහිත නීල අහස් බඳ පුරහාම​

තාරකා මල් ඉහුණ​ වියන් බැඳ  මනරාම​       

පේවිලා සැඳෑ කළුවර බලා හිඳිනවා 

හරිත වන වදුළු මත අඳින්නට​ සිතුවම්

 

පමාවූ නිසාදෝ කඩිනමින් පියාඹන

කුරුළු රෑනක් ඈත අහස් බඳ සිසාරා

සයුරු ඉම "ටැමකි හිස" කෙලවරේ

වන වදුළු පරාදීසය කරා ඇදෙනවා

 

නිවා ගත සිත වෙහෙස​ වන ගහනයට වැදී 

උන් ගෙ “ෆානව්” සමඟ​  හිඳින්නට කැදැල්ලේ

බෙදා සනහස පහස​ සැඳෑ ගී  සඳැල්ලේ

ටැමකි කලපුව උඩින් පියාඹති නිදැල්ලේ     

 

මල්ලිකා එම් බණ්ඩාර​

18. 01. 2022