උදෑසන

මිහි මත බැඳි මල් තොරණා

විහඟ ගීත තනු බඳිනා

අඳුර හරණ සඳ කිරණා

අහස් සයන මත නිදනා

පලාවන් තුරුපත් වෙලා ගෙන

සිහින් නල වැල් විසිරෙතේ

සලා කිංකිණි රසු ලතාවට

ගොයම ගී නද පතුරතේ

එලා දුහුලැල් වළා සළු පට​

නීල වන හිස සනසවන්නට​
එතෙන මීදුම් කැරැළි කඳු මත

කදාවන් හිරු කිරණ විසිරෙත​

කිරිවැද සැලෙන ගොයමට මහ කෙතේයා

කොඳුරන​ රහස ලියවුණ නුඹෙ හිතේයා
මිණි කැටසේ දිළෙන ඉඳුනිල් නෙතේයා

හසරැලි පිපෙයි​ රත් පියුමන් වතේයා

මල්ලිකා එම් බණ්ඩාර

​24. 04. 2018