ජීවිතය කවියක්ය...​

ජීවිතය කවියක්‍ ය​ වියා නිම කළ නොහෙන​

ප්‍රේමයේ ළහිරු රැස් රටා හැඩ තල මවන​ ​

පදම්වී තැළෙන කල​ කිණීරයෙ යවටක්ව

ජීවිතය සෝබරව ගලන ලෝතලියක්‍ ය​ 

කැඩුන හබලට හොරා  බිඳුනූ සිත් රුවල බැඳ​ ​

නෙත ගැටෙන​ මානයේ ගොඩ බිමක් නොමැති සෙද​

ඔරුපියල්ලක් විලස රළ පතර ​පොර බදන

ජීවිතය විරහ ගීයකි ගයන්නට නොහෙන​ ​

ද්වේශයේ ගිනි පුළිඟු කඩු කිණිසි පිරිමැදෙන

අනෝරා වැහි අකුණු අතර​ යුද පෙරමුණක​

උනුන් පරයා නැගී සිටින්නට වෙර දරන​

ජීවිතේ රණ බෙරය වයාගන්නේ කොහොම?

මල්ලිකා එම් බණ්ඩාර​

28.08.2016