අප්සරාවක නොවේ මම​...

සොරාගෙන මගේ නිදහස මගේ ගැහැණුකම​

සිර ගතව සිටින්නට අතහලේ

මා කරපු කුමන වරදකින්දෝ

ගිරි බෙයද පවුරු පදනම් බැඳපු නිරින්දෝ

හිරි ඔතප් බිඳෙන්නට​ 

සුවහසක් දනා ගැවසෙනා අවකාශයේ

හොවා අඩ නිරුවතින් කලාවේ නාමයෙන් 

අන්ධ කර දන මනස​

ගැහැණු බව නිගාවට පත් කළේ

නිරිඳ ඔබෙ  රජ කමත්

අසීමිත බලතලත් උදෙසාය​

මිනිස්කම මියෑදුන නුඹෙ සළෙල දිවි පෙවෙත​

නුඹලාට උරුම වූ කුහක කම​

ලොවට  හඬගා කියන

සංකේතයයි මම

දෙවියන් පිරිනැමු දෙවිකම

මිනිස් ​ අණ පණත් රැහැණින් වෙළා

ගැහැණියක​ වහළියක බව කියන​

සංකේතයක් මිස 

අප්සරාවක නොවේ මම​

මල්ලිකා එම් බණ්ඩාර​

20. 04. 2019