පන්නම

 

පුරන පන්නම් පැදුර ගෙනවිත්

 පිල්කඩේ දිග හරිනවා

නඟන පත් ඉරු එලන අතරේ

දහක් සිතුවම් මැවෙනවා

 

නුඹේ හෙට ගැන රටා පන්නම්

දමා මෝවිට වියනවා

සුරුහමට ඒ පැදුර ගෙනෙහින්

පැදුරු ආණේ තියනවා

 

නිසරු පොළොවේ දිය පොහොර ඇද​

පිච්ච වැල සේ ඇදෙනවා

දළු කරටිලා නැවුම් සුවඳින්

මලක් සේ නුඹ පිපෙනවා

 

දෙව්ලොවෙන් බට දූතිකාවක්

විලස නුඹෙ රුව දිළෙනවා

ගීතිකාවන් ගැයෙන මොහොතක​

පුදසුනේ නුඹ තබනවා

 

මල්ලිකා එම් බණ් ඩාර​

30. 04. 2025