සාමයේ දූතයා

අවිදු අඳුරේ ගැලී

දුකින් තැවෙනා දනා

බියෙන් වෙලෙනා තැනා

අපකෙරෙන් අත හැරුන​ ​

දෙවිඳුන් ගෙ පිළිබිඹුව​ 

මුණට මුණ යළි දකින​

නිමල​ ප්‍රේමයේ කැඩපත ඔබයි

අවදි කරවන පිණිස දෙවිදුන්

වැඩ හිඳින අප තුළම නිරතුරු

අඳ නුවන් යුග විවර කරනා
සත්‍යයේ පහනින්  

පෙරම්ඹරයේ උදාවී දිලෙනා

තාරකාවයි ලොව පහන් කරනා

ගොපළු ලෙන් දොර සුවඳවත් කර​

වඩින අප​ හද බෙත්ලෙහෙම් පුර 

දිවි කතර​ මැද අතරමංවූ

දුබල මනුසත් සිත් සතන් තුළ

නිවා සනහා අඳුර දුරු කර​

සාමයේ සුබ අස්න ගෙන ආ

ජේසුනේ, මා ස්වාමිනී;

ඇලී තැවරී රැඳුන පව් මළ

දොවා පිවිතුරු කරනු වස්

මිනිස් වග​ වෙත​ වහින මල් වැස්ස 

ඔබ​යි මා ස්වාමි ජේසුනී

මල්ලිකා එම්. බණ්ඩාර​

25. 12. 2016

ලෙන හැර ගිය කුවෙන්ණීයේ

තරු මල් නෙලා සිහින​ වියනක් බඳින්නම්

සඳ කැන් රටාවෙන් පැදුරක් වියන්නම්

දුහුලැල් වළා සේද සළුවක් සදන්නම්

කුරවී කොවුල් ගීත අහුරක් ඉහින්නම්

පිණි බිඳු මිදී නටන හිරු කැන් පොදින්

නෙළුමක් වෙලා මහද පිපෙනා ලෙදින්

හස රැළි සළාවැටුම මුවවිට බිඳින්

නුඹ මා ළඟින් සොඳුර නොසැලී හිඳින්

බිඳී පෙම් පුරාණේ පිටු ගිළිහිලා

මට හිමි නොවී නුඹව අන් සතු වෙලා

හද සිඳු ගැබේ පතුල මුතුවක් වෙලා

මගෙ සිත් ලෙනේ සුවඳ පිනිදිය උලා

ඉඳ හිට ඇවිත් යන්න පවනක් වෙලා

නදී තීරයේ තනිව සුසුමන් හෙලන්නී

වැදී ඉවුරු දෑලේ දෙරණත දොවන්නී

සැඳෑ අහස රත්පෑ  සිතුවම් අඳින්නී

මැකී ගියෙද දේදුන්න සේ  මා කුවෙන්ණී

මගේ විජිතයේ රැජින​ දුරු රට බලා

පියාසර කරන්නී එක හිත් වෙලා

ගිළිහී ගියෙන් කිරුළ පින් මදි වෙලා

මගෙ ලොව බිඳුන පළිගු බඳුනක් කළා

ළසෝ ගිනි ලවා දැත දෙපයත් වෙළා

දිවා රෑ පවා  නොදැක අඳුරක හොවා 

තනි මංසලේ හිඳින මා අමතලා  

කොඳුරන්නෙ කව්දෝ යළිත් මුමුණලා

මල්ලිකා එම්. බණ්ඩාර

19. 12. 2016

සංඝමිත්තා උපහාර ගී

මේ 1992 වර්ෂයේ සමස්ත ලංකා පාසල් භක්ති ගීත තරඟයෙන් දෙවන ස්ථානය හිමිකරගත් මහනුවර උසස්  බාලිකා විදුහලේ ශිෂ්‍යාවන් ගැයූ සංඝමිත්තා උපහාර ගී  - 

සත්කුළු සත් සමුදුරු පසු කරලා

අටළොස් කුළ සිප් සත ගොණුකරලා

තිළිණ කළා ඔබ ලොවම දිනන්නට​

උදාර හෙළ වනිතා පරපුරකට

සඟමිත් මෑණියෙනී//

අනේක දුක් ගිනි විඳ භව කතරේ

 නිමවා මොහඳුර සදහම් ගැඹරේ

සමහන් සුවයෙන්  සුවය ලබන්නට

මඟ ඵල සපුරාලූ

සඟමිත්  මෑණියෙනී //

රොන්සුණු මල් මුවරදයෙන් ලංකෘත,​

ගඳ දුම් පහනින් දෙව් බඹ වන්දිත,​

කසා වතින් මුළු දෙවා දහම් ගැබ

සදා වඳිම් හෙළ දීපය පොබ කළ​

සඟමිත්  මෑණියෙනී //

-----

පද රචනය : මල්ලිකා එම්. බණ්ඩාර 

12. 12 .1992

 සංගමිත්තා උපහාර ගී - 2 

බුදුබණ පදයක සිහිලස වින්දන

බව දුක් ගඟුලෙන් එතෙරට කැන්දන​

කප් සුවහස් කල් දම් රස රන්දන​

අවිදු අඳුර බිඳ මොක් මඟ බන්දන​

හෙළ දිව වනිතා සරදාකාසේ

පුරා සඳයි ඔබ සඟමිත් මෑණී

මොක් මඟ අවුරණ තිත් මහ ගනඳුර​

විදාරණය කළ සිත් තුළ පින්බර​

 ළහිරු පොදක්වී  දැයම පහන් කළ​

උදාර සඟමිත් මව්නි දයාබර​

උදා ළහිරු ඔබ ලක් අඹරෝරේ

උදානයයි ඔබ  දෑ ගති අතරේ

හෙටත් අපට නව සඳ කිරණක්වී

යළිත් වඩිනු මැන බණ පදයක්වී

පද රචනය : මල්ලිකා එම්. බණ්ඩාර​

12. 12. 1992

සංගමිත්තා උපහාර ගී - 3

දඹදිව් තලයම දොවා දොවා ලන​

සවණක් ගන රැස් පැතිරෙන්නේ

ජයසිරි මහ බෝ දකුණත් ශාඛා

ගව් සිය ගව් දුර ගෙන එන්නේ

දස දිග පූජිත දහම් විජය ලද​

දම්සෝ රජ දෝණී

අන්න බලන් සඳ සේම වඩිනවා

අරහත්වූ සඟමිත් මෑණී

 උඳුවප් පුර පෝදා සුදු බුදු රැස්

තුරු හිස් පීරා වැතිරෙන්නේ

මහ මෙව්නා වන උයන් තීරයේ

මහ බෝ සමිඳුන් හිඳුවන්නේ

අනුරාපුරයේ කැත් කුළ කත් හද​

නව පලු පල්ලෙන් සදමින්නේ

හත්ථාළක වෙහෙරේ වත් පුරනා

සිල් සුවඳයි ඒ පැතිරෙන්නේ

----

පද රචනය​: මල්ලිකා එම්. බණ්ඩාර​

12. 12. 1992

 I would like to invite my MAGPIELOUNGE visitors to join with “UNLEASH YOUR GREATNESS” Book launch by  best-selling author Rachel Hale..

You can go LIVE on Amazon.com 

On Thursday 13 – 17 Dec.

Thanks!

Enjoy the event!

Mallika

// RSVP & Order on Amazon //

DEC13

Going

Book Launch: Unleash Your Greatness

Dec 13 - Dec 17 · Online Event

10 people interested · 8 people going

Love

Like

Love

Haha

Wow

Sad

Angry

Comment

Share

පාපොච්චාරණය​

වැස්සකටවත් ඇවිත්

ගොඩවුණේ නැති නිසා 

මහ මොකද්දෝ වගෙත් මගෙ හිතට.​

ඔබේ උතුරු ගුණ මහිම

​දකිමි. හඳුනමි. දනිමි 

​ බුදු සමිඳ​, 

ඒ වුණත් දෙපෝයටවත් වරක්

ගොඩ වෙන්ට හිතක් නෑ පන්සලට

පිං කැටේ පිරෙන්නට වැටෙන හැම සල්ලියට​

නිවන් පුර දොර අරින ඒජන්ත කල්ලියට​

සංසාර සාගරෙන් අපි එතෙර කරන්නට

නොහැකි බව දත් හෙයින් 

නොආවෙමි පන්සලට.

 .....

ගීතිකා හා මුසුව​ ඔරසොමට මිමිණෙනා 

දෙව්මැදුර​ සීනු හඬ ප්‍රේමයෙන් අමතනා

සබත්දා, කුසීතව​ ගුදිරියට ගුලිවෙලා  

​හිඳින එක යහපතැයි හිතෙනවා 

අයිලයේ කොනක හිඳ නිදිකිරනවට වඩා ​

රොටී කා වයින් බී, ගෝලයෝ පිරිවරා 

ගලීලයෙ මිනිසුන්ට  ඔබ දෙසූ සුබ අස්න​ ​ 

 "hard sayings"  වෙලා වියතුන්ට! 

ධර්මාසනේ අසල ඉදිරිපෙළ අසුනෙ හිඳ​

 සුවාමිගෙ මුවින්  ගිළිහෙන හෑම පදයටම​

“ආමේන්… ආමේන්…එසේම වේවා!” කියපු

ඔරසොං අත්තාගෙ මිණිබිරී වුණත් මම,​

එන්ට හිත දෙන්නෙ නෑ

ඔබ නොමැති පල්ලියට

මගේ හිත් කුටිය තුළ වැඩ හිඳින​ 

ජේසු ස්වාමි දරුව​නේ, 

කමා කළ මැනව මට!

දෙව් මැදුර අඳුරු අයිලය පසෙක​

දණ නමා සිටින බැතිමතුන් තුළ

උත්ථාන නොවූ ඔබවහන්සේ

මිත්‍යාව විනිවිදින 

සත්‍යයේ එළිය දකින්නට

විවර කළ මැනව උන්ගේ ණැනස

ජේසුනේ ස්වාමිනේ!

මල්ලිකා එම් බණ්ඩාර​

03. 12. 2016