කුප්පි ලාම්පුව

නිදිබර දෑසින් අකුරු ගණිනවා

සරසවි යන්නට ලබන සැරේ

කුප්පි ලාම්පුව සුසුම් හෙලනවා

පවස නිවන්නට පහන් තිරේ

මගෙ නිදි පැදුරට සඳ රැස් පෙරෙනා 

පොල් අතු වහලේ හිඩැස්  දිගේ

මගෙ හෙවැනැල්ලම සිතුවම් වෙනවා

මැටි ගෙපැලේ කැටපත් පව්වේ

කොවුල් නුරා ගී පද මිමිණෙනවා

සුසුම් හෙලනවා කෑමොර දෙනවා

විකසිත මල් මද සුළඟෙ එතෙනවා

සිතිවිලි රොද බැඳ පියා සළනවා

නෑඹුල් පැතුමක් මල්වර වෙනවා

ඈත අනන්තෙට සුවඳ විදෙනවා

යොවුන් වසන්තයෙ දොරකඩ ගාවා

හීන නෙළා මල් දාම ගොතනවා 

අස්ස කරත්තෙන් ගමරට එනවා 

මහ වෙල මැද​ ගුරු පාර දිගේ

ලස්සෙට කොඩිදා ජීවත් වෙනවා

දෙමහල් නිවසක කොළොම්පුරේ

පහන් සිළට මඳ අඳුර බිඳෙනවා

චංචල හිත යළි වල්මත් වෙනවා

රකුසු හඬට මන​ ලෝල නොවන්නට​

ලෙන් දොර වැහුවා ය​ළි නාරින්නට

මල්ලිකා එම් බණ්ඩාර​ - 

20. 02. 2019