සත් වග දිනේවා!

ලුම්බිණි සාලවනේ මඳ පවනේ ​ ​

සුවහස් මල් සුවඳින් පිරුණේ

කම්පිත කරවා සහසක් ලෝදා

සත් පියුමන් මිහිමත පිපුණේ

​​

මිහිතලයම දොවා කර ඒකාලෝක​

පුර සඳ මෝදු වන පසළොස්වක දාක​

මොහඳුර මැද සසර දුක වළඳන නේක​

 සව් සත නිවන්නට බුදු බව ලද​ සේක​

ගහකොළ අතු පතර සිහිළස සළායේ

සත්සිත් පහන් කර මෙත් සුව වෙළායේ

සිත්පිත් නොමැති බෝපත් සර තළායේ

මිහිමත​ කිතු ගොසින් තුති ගී ගලායේ

සමිඳුන් අසමසම සම්බුදු පදවි ලැබ​

මෙත් ගංඟා ගැලූ අද වැනි දිනක සුබ

සිත් මල් දොවාලන​ තෙමඟුල් අසිරි මැද

සත් වග දිනේවා සදහම් පහස ලද​

මල්ලිකා එම් බණ්ඩාර​

18. 05. 2019

The Messenger

Magpie, 

Forget the past

Forget the debts

Forget the pain

The past is left far behind

Green has turned to yellow

The winds will blow very soon

The leaves taken away from the branches

Don’t touch the wound.

When you touch it 

The pain arises

And you will get hurt

From where did you get this strength?

From where did you find a new upsurge of energy?

That you have never known before.

You will feel a new vitality arising within you

Once you know it

Once you have tasted it

Your life will be wholly changed

Your life will never be the same again.

Nobody else can destroy you, except you

Nobody else can save you, except you

You are the Messenger

You are the Judas and you are the Jesus!

Mallika M Bandara

16. 05. 2019

මෙත් මල් පීදේවා!

බෙදා වෙන් කරන්නට යොදා මායිම් ලකුණු  

මිනිස්කම මියෑදුන මනස තුළ බිඳි අකුණු

ගිනි තියා දවන්නේ  දැයේ අභිමානයයි

සුණු විසුණු  කරන්නේ ළබැඳි මව් භූමියයි

ජාති ආගම් නොවේ මිනිස් වග රමණීය

පල දැරූ සොඳුරු තෝතැන්න බඳු කමණීය​

ලක්මෑණීයන් ඇකය​ ඕවිල්ලෙ හිඳ නිබඳ​

බෙදී විසිරී ගොදුරු නොවෙමු වග වලසුන්ට​

මරණ භය තරම් සම  භයක් සිත හඳුනාද​?

එවන් භය දැණුන සිත සාමයක් උපදීද​?

බැඳුන අත්වැල සිඳී හිත් පළුදු නොවන්නට ​​

හිඳිමු සිත් මල් පිපී මෙත් සුවඳ හමන්නට

වෙලේ පැළපත කෑව මුවන් ලුහුබැඳ නොයා

පිලේ මුව හමට තඩි දෙනු කුමට දෙස් තියා

සිහළ මුස්ලිම් දෙමළ තුන් නිඹුල්ලුන් කියා

අමතකද එක අහස යට එකම වග නියා

වටු කුරුළු රෑන සේ  එකම අදිටනින් හිඳ​

දැයට වින කටින නපුරට තවත් නොදී ඉඩ​

එකම දැයකට උරුම සමඟියේ පවුර බැද

පියාඹමු  මරණයේ මළපුඩුව කඩා බිඳ

වෙලත් නියරත් කාය  ළා ගොයම පැලපතේ

කැනහිල්ලු කෙළිති ලේ සුවඳටම  දස අතේ

අපිට අප පමණක්ම බව තියා ගෙන හිතේ

අවදියෙන් හිඳිමු නොරැවැටී හිඳ​ නිදිමතේ

මල්ලිකා එම් බණ්ඩාර​

14. 05. 2019

අප්සරාවක නොවේ මම​...

සොරාගෙන මගේ නිදහස මගේ ගැහැණුකම​

සිර ගතව සිටින්නට අතහලේ

මා කරපු කුමන වරදකින්දෝ

ගිරි බෙයද පවුරු පදනම් බැඳපු නිරින්දෝ

හිරි ඔතප් බිඳෙන්නට​ 

සුවහසක් දනා ගැවසෙනා අවකාශයේ

හොවා අඩ නිරුවතින් කලාවේ නාමයෙන් 

අන්ධ කර දන මනස​

ගැහැණු බව නිගාවට පත් කළේ

නිරිඳ ඔබෙ  රජ කමත්

අසීමිත බලතලත් උදෙසාය​

මිනිස්කම මියෑදුන නුඹෙ සළෙල දිවි පෙවෙත​

නුඹලාට උරුම වූ කුහක කම​

ලොවට  හඬගා කියන

සංකේතයයි මම

දෙවියන් පිරිනැමු දෙවිකම

මිනිස් ​ අණ පණත් රැහැණින් වෙළා

ගැහැණියක​ වහළියක බව කියන​

සංකේතයක් මිස 

අප්සරාවක නොවේ මම​

මල්ලිකා එම් බණ්ඩාර​

20. 04. 2019