අකුණ

 

අකුණක් පිපුරුණා දෙදරවා සිව්කොණ​

නිද්‍රාව මැද දනෝ විමසති සිහින පලාපල​

කුසපොතු පිටට ඇළුණ

මිනිසුන්ගෙ කර මතින් වැඩම කළ

යසිසුරු උල්පතෙන් නහා සැනැහී ගත්

සුපිරි පන්තියෙ දිග පළල සුලමුල

ඇස්පනා පිට දකින විදුලි කෙටුමක් වෙලා

නීලාංකාර විය දුටු දනන් නෙතු සඟල​.

 

ඔසු කැඳත් හිඳෙන තුරු

මොරදුන් හඬට නෑසුන් කන්ව

මරණයේ සෙවැණැල්ල

එබිකම් කරනතුරු හිඳ​

අවනඩුව කියන්නට​

මහ මඟට පිළිපන්න​

මාපියන් අඳෝනා නැඟෙද්දී අහසට​

මැඳුරු දොර හැර බලව් චෞරයිනි;

සාපයේ කළු වළා ඇදෙන හැටි

පාපයේ බර දරණ තොප දෙසට​

 

මල්ලිකා එම් බණ්ඩාර​

4.05. 2022