යශෝරාවය

කුසේ ගිනි මැළ නිවන මඟ මිස​

නොදැන අකුරක් මළපොතේ

කන්ද කල්වරි නැංඟෙ කුරුසිය

​දරාගෙන​ මගෙ උරපතේ

 

කටු සැමිටි කස පහර ඉවසා

ගොල්ගොතා පුදසුන මතින්

වන්දි ගෙව්වේ නුඹට නිවහල්

මංතලා ඉදිවෙන ලෙසින්

 

සිනිඳු සළුපිළි ධවල මුතුහර​

නැතත් සියොළඟ සරසවන්නට​

තුන්‍ යමේ බැතිපෙම් උපදවා

අකුරු කෙරුවා නුඹත් සොඳවා

මගේ දෑසින් නුදුටු නුවරක​

යශෝරාවය දසත පුරවා

අපේ හත්මුතු සනුහරේටම 

කිත්මිණෙන් සැදි ​කිරුළු දැරුවා 

මල්ලිකා එම් බණ්ඩාර​

1.02. 2024