නිහඬ සුසානය

වෙරළ නුඹ අප දෑත්  එක්කළ​

සැඳෑයාමය තාම මතකය​

දිනක​ නුඹ මා හිත  වියරු කළ

සොඳුරු සැන්දෑවතද මතකය​

ඇඟිළි තුඩ'ගින් ළවැලි තල මත​

ලියූ ගීතයෙ තනුව මතකය ​

නෙළූ මල්පෙති වලින් සැරහූ

ප්‍රේමයේ මුදු රටා මතකය  

වැහි කුණාටුව පහව ගිය මුත්

වෙරළ පමණක් ඉතිරිවී ඇත​

මගේ කවිපෙළ මැකී යන්නට

වැලිතලාවක් ගලාවිත් ඇත​

​ඉඳුරු දුනු සැව් ඇඳුණු නිලඹර​

අඳුරු සෙවණැලි වෙළී පැටලී

ඇසි පියන්පත් ඇරෙන්ටත් පෙර​

සුසානය සේ නිහඬවී ඇත​

මල්ලිකා එම් බණ්ඩාර​ 

10. 12. 2018