රජිකා

 ඔබද මා අතර ඇති           

කතා නැති වචන නැති 

නිමා කළ නොහැකිවූ 

හැඩතල  පමණ  ඇති 

සිතුවමක්  වගෙයි අප ප්‍රේමය​

මෝදුවී දළු රිකිළි

අතු පතර ලා වැඩුන​

සබඳතාවේ මිහිර​

ආදරයදැයි කියා නොදත්තෙමි.

උභයකුල  මුදුන් මල්කඩවූ

නුඹ අතින් 

 යෞවනේ දොරකඩදි  ඉඳුල්වූ

නුඹට නොදැනුන 

නුඹට නොහැඟුන​

හඳුනාගත නොහුණ​ මගේ හිත 

තුන්තේරවිල්ලක්‍ ය නුඹට​

කැළි කුණු කසට හැර, 

දොවා වෙල්ලෑවේ 

එළා පිල්ලෑවේ 

වියළා ගත් නැවුම්

සළු පිළි දෙවූ  නොමිලේම ​

 කුල සිරිතට බැඳුණු

රජස් සෝදන්නි මාය​

අදත් මා ළය පතුල 

අඟිරිගා නුඹෙ නමින් 

කල් බැන්ද​ ප්‍රේමයේ 

තෝතැන්න පුරන්වී යානොදී

.නුඹේ රජ මඟුලට සළුවඩන​

මා, නුඹේ රජිකාය​. 

මල්ලිකා එම් බණ් ඩාර​ 

31. 10. 2024