කැටපත් පවුරේ ගී පදයක්සේ
සිතිවිලි පව්වේ ලියවෙනවා
ඒ ගිරි බෙයදේ ඇඳි සිතුවම්සේ
මහද අරා නුඹ වැජඹෙනවා
තිසා වැවේ නැඟි රළ පතරක්සේ
සෙනෙහස් සිහිලෙන් දෝවනවා
ඒ රළ මත රැදි මුදු පවනක්සේ
මසිත නිවාලා සනසනවා
බක් මාසේ පිපි සපු දුනුකේ මල්
සුවඳ පොදක්වී දැවටෙනවා
ඇහැළ මහේ පුර පසළොස්වකදා
සඳපත සේ නුඹ හිනහෙනවා
නිම්මා නැති දුක් විඳ විඳ වෙහෙසී
දස පෙරුමන් පිරු අපෙ අම්මා
සංසාරේ ඉම තරණය කරනා
බුදු බණ පදයයි අපෙ අම්මා
මල්ලිකා එම් බණ්ඩාර
17. 12. 2017
No comments:
Post a Comment