ස්මරණය​

In Memmory of my Loving Father!

Under the grey sky

I remember you!

Every breath….

I remember you!

වළා සළුපොට ඉරා
මිහිමඬළ දෙස බලන

නොමේරූ හඳ පළුව

ගෙවී ඇත හරි අඩක්!

කලාවෙන් කලාවට පිරෙන​ සඳ

දියව ඇද හැලෙනවා බිඳෙන් බිඳ​

සසර අරණේ දිනක​ අතරමංවූ කලෙක ​

කඩා ඉහිරවා දැමුවාද අපි

තුරු හිසක තනාගත්

සාමයෙන් ප්‍රේමයෙන් පිරි

කුරුළු කැදැල්ලක්?

ජීවිතය පුරා අපි වැළපිලා 

හුයෙන් හුය අමුණන්න වෙහෙසුනේ

දෛවයේ මාරුතය පැහැරගත්

ඒ කුරුළු කැදැල්ලයි

මගේ ලොව අඳුරු කර දුරස්වූදා පටන්

බිඳී ගිය පදාසය​ සොයන්නට

දැරූ තැත ඉමහත්ය​

තවත් ගමනකට මං පෙත් හදන

එවන් අවසර පදය රිදුමක්‍ ය​ ​​

ජීවිතය පුරා අපි වැළපිලා

හුයෙන් හුය අමුණන්න වෙහෙසුනේ

කාලයේ සැඩ සුළඟ​ පැහැරගත්

ඒ කුරුළු කැදැල්ලයි!

අහම්බෙන් හමුවෙලා සමුදුන්න​

ගිවිසගෙන යළිත් හෙට හමුවෙන්න​

මතක නම් ඒ මොහොත පියාණෙනි 

සසර ගමනේ යළිත් හමු වෙන්න​!

මල්ලිකා එම් බණ්ඩාර​

20. 02. 2019