පිංගුත්තර වත​

සහේ ගන්න කෙනෙක් නැතිව

ඔහේ ඉන්නවා තනියම​

නින්ද ගම් උරුම නැතිකොට​

ඉණේ වත පමණි සන්තක​

කොහේවත් ඉන්න කෙනෙකුට​

සහේ වෙන්න හැකිදෝ මට​?

සිදාදියෙ පිච්චකාරිට​

හින්නවුණ​ තෝඩු තැළි පිළි

අත්ත මුත්තා කාලේ හිට​

පෙට්ට ගමේ තනි රැක්කේ

පෙලවහක් ගන්න දවසක​

පළඳවන්න එන ඇත්තිට​

ඉහේ නර කෙසක් දුටුදා

දැනුණි කල් ඉකුත්වූ වග​

පිළුණු බතක් වාගේ දැන්

දවස​ ගෙවෙනවා අකලට​

පෙර භවේ ණයක් පියවා

කැඹුරුමක් ගන්න කෙනෙකුට​ ​

උදුම්බරාවක් නොවුණත්

ඇත්තියක් ඉන්න මානෙක ​

ඔත්තුවක්  දෙන්න​ පිංවත

පිං පිරෙයි නිවන් යන්නට​

මල්ලිකා එම් බණ්ඩාර

7. 02. 2019