At the seventh decade
If
there is a change in something, it becomes different.
හත්වන දශකයේදී
දෙටු දූ කුමරි කුලගෙයි වෙල්විදානේ
පන්දම් වැට උඩින් සඳ වත දුලානේ
රුවගුණ සපිරි සොමි හස කැන් සළානේ
ඇය රැජිනක් වුණා මේ ගම් තුලානේ
ගතවූ දසක ගණනක මතකය අතර
අප්පච්චී හිඳී ලණු ඇඳ මත වැතිර
වැහැරුණු කයේ කැක්කුම් අතරින්
පතර
අම්මා සිහින් කෙඳිරිලි මැදමය
නිතර
අබිමන් සිහ රජෙකුසේ හඬ අවදිකර
ගජතුන් ගමන් යන දුටු දන වසඟ
කර
ඔහු මේ ගම්පියස පොබයූ දිනිදුයුර
අද නිහඬව හිඳී අත්පා වකුටුකර
නල මුසු සුවඳ මල් පියවිල්ලෙන්
ඉතිර
දුල නන් වණින් සමනල පියසන්
පැතිර
ගෙමිදුල උයන්සිරි ගත් පෙරදා
නිතොර
මහගෙයි කලඑළිය නෑ වෙනදා විතර
වියපත් අතුපතර හෙවනැළි හදාගෙන
තුරුපත් බිම හැලී තණ පත් බදාගෙන
වනපොත් කරපු දරුවෝ ලොව දිනාගෙන
පියඹා ගිහින් දුරු රටවල් හොයාගෙන
ඉර හඳ ගැට ගසා අහසේ එහා කොන
දිවිවැට නඟා විය උර මත තියාගෙන
තරණය කරපු හත් ගව් දුර ගෙවා
ගෙන
සුසුමක් හෙලති සිඳු ඉම දෙස
බලාගෙන
මල්ලිකා එම් බණ්ඩාර
3. 03. 2024
