ළසඳපත සේ හෙමින් මෝදුව
අසිරිමත් ප්‍රේමයේ කළලය
වපුරනා තෝතැන්න ගාවා
සසල විණි සිත ළපල්ලක් ලෙද
සීත මැදියම පවන් රැල්ලක
වැදී තැවරී මගේ හද ගැබ
නුඹම පිළිසිඳ ගැනිනි
සකිසඳ
හැරී දින සති දසක ගණනින්
නිමාවී ඇතියෙන් වසන්තය
යළිත් අප අතරට නොඑන ලෙද,
විහඟ ගී වියැකිණි අතර මඟ
ඉඳුරු දුනුසැව් දියව නුඹ
මැද
අඳුර රොද බැඳ හිඳී පෙරමඟ
බිඳුන මැදියම් සිහින අතරේ
කදෝපැණියෙකුවී පියාඹන
මතකයක් පමණක්ය අපි අද
මල්ලිකා එම් බණ්ඩාර
No comments:
Post a Comment