භක්තියේ නිරුවත​

සැඩහිරු කිරණ වැද​

නිරුවත් උඩුකයේ

දහදිය මුගුරු උල්පත්ව​ වෑහෙද්දි 

ඉඟටි ලණුවේ රැඳුන​ අමුඩ කෙටියත්

උල්හෙල්ලුවා වගේ පෙඟෙන්නට​

ගල්කටුව සුමට ලෙස ​

තට්ටු කර ​ සුරුවමට

දෙකන්සෙන් ගලන​ දා ලවණ රස දැනෙද්දී

කොයිතරම් කාලයක් ගත කරන්නට ඇද්ද​

මෙහෙව් හිටිපිළිමයක් නෙළන්නට​ ​

කලාවැව ඉහත්තේ හුදකලා වන​පෙතේ

කාලයාගේ ඇවෑමෙන් ගල්කුළ ඉදිරියෙන්

නැඟීසිටි බුදුරුව​ නොබිනුහ වදනක්

අපරිමිත භක්තියෙන් මහත් සංයමයෙන්

තමන් මැව් ගල්වඩු, බරණ​ට​

උඩුකය නොවැසීම අවමානෙකැයි තමනට​ 

බතික් සරමට උඩින්  

"මේස් බැනියමක් හැඳ​

පුදබිමට පැමිණීම​ සෙල් රුවට නිගාවකි" ​

බුදුන් අනුදත් බණ​ කාසියේ වාසියට හරවා

බුදුන් පිළිකෙව් කළ බමුණු මත හිස පුරවා   

එවෙහෙර වැඩවසන

යතිවර තෙද බල'ති

බැතිමතුන් හඹායති 
අනඥා පනවති
නිවන් මඟ අවුරති

හිත මිස ගතද වත​
නිවන් දොර අගුළු ලන්නේ නැත​

මල්ලිකා එම් බණ්ඩාර​

08. 01. 2018