පාස්කු විත්තිය

දෙව් මැදුරුදොර සසළ කරනා

සුසුම් වැල් යාවෙමින් අහසට

සුවඳ දුම් මුසු සුළඟ දැවටී

ඉටි පහන් සිළ සැලෙයි හෙමිහිට

ගෙවා ගන්නට නොහැකි වසරක්

ගෙවී ඇත  සියවසක් ගාණට​

අහිමි වූ දේ සොයා දෙන මඟ​

නීතියේ දෙවඟනට හිමි නැත​

ළබැඳියන් සැම​ වියෝවූ සඳ​

දයාවේ පුදසුන අසල හිඳ​

කරන ආයාචනය මොහොතක්

සමාදානෙන් සවන් දුන මැන

අසාධාරණයට එරෙහිවයි

හඬ තළන්නේ නොවෑවුණ හිත​

පසිඳ ලන්නට කිමද පසුබට ​

කරුණු කාරණ බලා  යුක්තිය ?

අදත් ආවෙමි බැහැදකින්නට ​

සුවාමිනි ​ දිව ඇසින් දැක්කද​​ 
හමුනොවන්නට​ අදිසි හස්තය​
බියෙන් සැකයෙන් ආව විත්තිය​ ​

මල්ලිකා එම් බණ්ඩාර​

21. 04. 2020