ජීවිතය​ සහ නින්ද

නිද්‍රාව සුවබරය​

රාත්‍රිය මනහරය

අවදි වී අදිසියෙන්

යළි වැළඳගෙන නින්ද​

හැබෑවට මං නිදිද​?

සිහිනෙන්ම අසන්නෙමි.

ජීවිතය යනු සිහිනයක්

පමණක'යි හැඟුණත්

වැළඳුවෙමු දුක් කඳ ළසෝ ගිනි මැද​

හිඳිමි ඒ සිහිනෙකයි හඟිමින්

නොයමි මංපෙත් අසාගෙන

විසල් කොටු පවුරු බිඳ​

තිගැස්සෙන හැම නිමෙසකදි

විවර කර විමසුවෙමි හිත​

නින්ද එතරම් සුව දැනේනම්

කුමට නම් අවදිව හිඳින්නද​?

දශක ගණනකට පසු

ජීවිතය යනු කිමැයි

ඇසූ මුත් නිදිබර සිතට​

මගේ විමසුම පසක් වී නැත​.

පහය අතහැර නික්ම  යනදා 

ජීවිතය සිහිනෙකැයි හැඟුණා

මල්ලිකා එම් බණ්ඩාර​ 

 20.11. 2020