ගිරා පැටික්කී ...
මී බිඳු සවණ පුරන්නී
දැක්ක දා ඉඳන්
මගෙ හිත ආල වඩන්නී
තුන් දොහක් ඇවිත්
පිල මත හීල්ලුවා මං
තුන්හිතින් නොපැතු ලෙස
නුඹ වෙනස් වෙලා දැං
බකුසු හඬ මිසක් නැත
මිණි කිකිණි සැළන්නේ
මගේ දෑස් මඟ ඇර ඇයි
ඉවත බලන්නේ
වළාපෙළක් ඇවිදින්
මඟ හරස් වුණාදෝ
මුලාවෙලා ළා සඳවත
මුවා වුණාදෝ
තුන් යමේ කිම්ද නෙතු යුග
නින්ද වරන්නේ
මගේ හිතත් මටමයි
අවලාද නඟන්නේ
මල්ලිකා එම් බණ්ඩාර
16.10.2020
No comments:
Post a Comment