පුතුගෙ සුහුඹුල් සුවඳ වියැකී
නිහඬ බව රජවී විහින්
කුරවි කූජන නෑ ඇසෙන්නේ
සැඟවෙලා කොහෙදෝ ගිහින්
මියුරු හස රැල් රැඳුන අහුමුලු
අඳුරු සළු පෙරවා සිහින්
පුරුදු නිවහන පාළු වී ඇත
බිරින්ඳෑ දබරින් ගිහින්
වචන එහෙ මෙහෙ වීසි වෙන්නැති
මියුලැසී නුඹෙ හිත රිදෙන්නැති
කේන්තිය මගේ හිඳී යනතුරු
නිවුණ නුඹ ඉවසුවානම් ඇති
පුංචි පුතු ඇකයේ හොවාගෙන
මහ ගෙදර අගු කොනේ ඉඳගෙන
හූල්ලන්නට එපා රන්කඳ
ගොම්මනට පෙර වරෙන් ගෙපැලට
මල්ලිකා එම් බණ්ඩාර
25. 11. 2020
No comments:
Post a Comment