සීත සුළඟක් හමා ඇවිදින්
කවුළු දොර ළඟ නැවතිලා
මතක මී බිඳු සිතේ තවරයි
මගේ වතගොත විමසලා
විහඟ ගී තනු සමඟ විකසිත
බකිණි මල් දෙණිපෙත ඉමේ
නුඹේ මතකය අවදි කරවයි
ළහිරු හිනහෙන කණිසමේ
විලක සුපිපුණ කැකුළු කුමුදෙක
සුවඳ තැවරෙන මායිමේ
නුඹෙ හසරැළි සිහින් රල පෙළ
නිනද දෙයි මා සිත කොනේ
නුඹේ කොපුළත පැහැය අරගෙන
සැඳෑ වෙළපෙති ඉහිරිලා
රැඳී සිහිනිඟ දුහුල් සලුවේ
හිඳී මතකයෙ දැවටිලා
මල්ලිකා එම් බණ්ඩාර
20. 1. 2024
No comments:
Post a Comment