පාස්කු ඉරිදා

තවම උත්තාන වී නැති දෙවිඳු පල්ලියේ

එල්ලිලා සිටිනු දුටු කෙණෙහි දළ කුරුසයේ

නෙක නමින් අපි යදින​ දෙවි ගොල්ල​

මුදාගත නොහැකියෙන්

අසමත් ද මකන්නට උපත හා සමඟ එන

මරණයේ සෙවැනැල්ල​?

සාමයේ දෙවි නොවැඩි “ක්‍රයිස්චර්ච්” පල්ලියේ

ඇවිත් හිටියා එකෙක් සාතන්ගෙ කල්ලියේ

උත්තාන දිනයේම​ මීගමුව පල්ලියේ

කියන් මට දෙව්මව්නි

මගෙ යැදුම් හඩ කිමද නෑසුනේ

බිඳ වැටුණි මගේ ලොව​

තැනූ බැතිබර හිතින්

වැරැදුනේ මටද නුඹටද කියනු මැන ඉතින්

ගීතිකාවක් නොවී සුවහසක් වූ සිහින​

යාතිකාවක් වෙලා නැතුනේ ඇයි මෙහෙම​?

මල්ලිකා එම් බණ්ඩාර​

21 .04. 2019