අල්තාරයේ හිඳුවාලා
සුදු සඳුන් දියරෙන් දෝවා
සුවඳ ධූපයෙන් පුෂ්ප දාමයෙන්
ප්‍රදීප ජාලා දල්වාලා
වන්දනාමානයෙන් පුද ලද
දේවතාවිය මා...
ඇදිලි බැඳගෙන යැද්ද යාදිනි
මතකයේ නොරැඳිනිද සාමිනි
ඉන්ද්‍ර චාපෙන් බින්ද හී-සර
දෑත් හැඳි සිඳ බිඳ දමන ලද
දේවතාවිය මා…
ප්‍රේමයේ නාමෙන් තැනූ
රන් දෙවොල ගිනිලා
විමන් දොර හිඳ - කියා නව නින්දා
ද්වේශයෙන් පිටමං කරන ලද
දේවතාවිය මා...
දොරින් දොර ගම් නියම්ගම් මැද
ප්‍රේමයේ ගිනි සිළුව අතැතිව
භවෙන් භවයේ නුඹම සොයනා
දේවතාවිය මා...
මල්ලිකා එම් බණ්ඩාර
19. 05. 2023
No comments:
Post a Comment