මල් පියවිල්ලේ ඇවිදිමු

සේද වළා මැදින් නිදන​

රිදී සඳක් දියවී යයි

නුඹත් මමත් පිළිසඳරෙක​

වදන් නොමැති නෙතින් දොඩන​

 

සිහින් රලක් වගේ ඇවිත්

වළා බැම්ම මත ඉහිරෙන​

හිනා රොදක් මුවග ඇඳෙයි

කුමුදු මලක්සේ පිබිදෙන​

 

රෑ මැදියම ගිමන් නිවා

කඳු මුදුණින් මුදා හරින

උදැනැක්කේ නිල්දිය මත

රන් කහවනු වැස්ස වහින​

 

අරුණැල්ලේ නැවුම් පහස

තුරු පත් මත හාදු බෙදන​

නිමේශයක අත්වැල් බැඳ​

අපි දෙන්නා යමු පියමැන​

මල්ලිකා එම් බණ්ඩාර​

16. 06. 2023