ගිනිගත් අසපුව

ගල්ලැහැ පැදුරු පලසක්සේ එලාගෙන​

බෙලිමල් උගුරකින් තොල කට තෙමාගෙන​

ජාතක පොතෙන් බණ අහුරක් පුරාගෙන 

ඉසිවර හිඳී අසපුවෙ මඟ බලාගෙන​​  

කටු මැටි පැලේ මැටි කොතලේ පැන් බීව​

පොල්කොට ඒදන්ඩ පැන​ එතෙරට ආව​

කටු අකුලකින් මල් පීදෙන දොලගාව

කුරුමානම වෙලා මල්දුන්නට මාව​

සැළලිහිණියේ මුල මැද අග සොයාගෙන​

සී පද සැහැලි වනපොත් කළ නියාවෙන​​

මී විත ඉහිරිලා කාටත් හොරා මෙන​

ගී පොත ගිනි අරන් හිමිදිරි උදෑසන​

මව්ගුණ විලක් නම් නුඹ රළ පතර එහී

බුදුගුණ දොලක් නම් නුඹවිණි​ තනුව එහී

ගී උල්පතින් සාගරයක් බැන්ද ළෙහී

ගීතය කුමට හිත හීලෑ කරනු නොහී?

මල්ලිකා එම්. බණ්ඩාර

19.03. 2017