මුර කුටියේ පැල් රැකලා
නිදි වරනා අප්පච්චි
උදැනක්කේ කැට කුඹුරේ
හී හානා අප්පච්චි
දිය ඌලේ පැන් සනහා
ගෙට එනවිට රෑවෙච්චි
දරු කැළකට කිරිවරණා
බත සඳහා බිම් නඟනා
බත සඳහා බිම් නඟනා
රැක වරණා නිති සදනා
දුක උහුලා අපි රකිනා
රස බොජුනා පිඬු කරනා
ඉටු දෙවිඳුයි අප්පච්චි
පන් නෙළනා පන් වියනා
ගී ගයනා අපෙ අම්මා
දුක දැනෙනා හිත නිවනා
සිරි දෙව්දුව අපෙ අම්මා
අට පෙතියා මල් නෙළලා
වෙහෙරට පුදනා අම්මා
රන් කරඬුවසේ වැඩ හිඳ
ගෙදොර එකළු කළ අම්මා
ගෙදොර එකළු කළ අම්මා
බිම්කරු වල දුරු කරනා
පහන් වැටයි මඟ කියනා
බිය සැක ළඟ ඉවකරනා
මෙතේ බුදුන් අපෙ අම්මා
මල්ලිකා එම් බණ්ඩාර
19. 07. 2018
No comments:
Post a Comment