වියෝ​ව

සඳවතිය සුදු සේල මුදාලන යාමයේ

පිනි කඳුළු හෙලන මැදියම් රැයේ

කොළ හැලුන අතු පතර

විසුළ මුතු පට​ ​තුසර​

ගිළිහුණා මළානික හීනයේ

මතක කුටියේ අඳින​

නොයෙක සිතුවම් සිහින

බොඳ වෙලා නෙතු සඟළ තෙමෙන්නේ

කොපුල් තල මත ගලා හැලෙන්නේ

රාත්‍රිය නිමාවී තව දිනක් උදාවී

නව ලොවට​ හිරු කිරණ ගලන්නේ

සුවඳ රොන්සුණු සලන​

බමර කැළ මත් කරන​

මලක් වී කෙලෙස මා පිපෙන්නේ?

​ඉඳුරු පුර​සේ දැනුන​ සොඳුරු සරසවි අරණ

සැඳෑවත අඳුර මැද​ මැදුරු දොර ඉකිබිඳින​

සමු දෙන්න ඇවිත් මා යදින්නේ-

ගිලුණු හිරු සඳු සිකුරු 
පාළු ලොව තනිවෙන්න​

"මගේ හිත මට දෙන්න​"

හෙටයි එය චිතකයට දමන්නේ

මල්ලිකා එම් බණ්ඩාර​

28. 06. 2018