හත්දින්න තරු

ප්‍රිම්රෝස් ​ කඳු මුදුන​

දැදුරු වුණ සඳමඬළ

දියවෙලා ගලන සඳ
අඳුරුවීණි මිහිමඬළ​
අමාවකදා වගේ
පියෂෝ උයන පාමුල

ගෝනි කඩමලු ඔතා

සිරුරු මත​ අතහැරිය

පොඩි සිඤ්ඤ මරං අතු

යටින් නුඹෙ සිරි පතුළ​

දුටිමි හඳුනා ගතිමි

නොමැති මිරිවැඩි සඟළ​

සඳ බසින කණිසමේ

හත්දින්න තරු පොකුර 

රත් සඳුන් කඳන් සේ
හිඳී මහ මඟ වැතිර​

සත් දිනක් මඟ බලා

හිඳ ම'පුතු එනතුරා

යළි නොඑන බව දැනී

සත්කඩට නොපැළුණේ

කිමද මගෙ ළය මඬල​

මල්ලිකා එම් බණ්ඩාර 
18.07. 2018