මුදු කිරණා සදිසි මනා
වත පුරසඳ පළුවක්දෝ
අත පොවනා මානෙක නැති
දුර දිළෙනා තරුවක්දෝ
නීල උපුල චල නයනා
මල්සර දුනු දිය ඇද්දෝ
අප මෙදිනා කල් බැන්ඳේ
දුර නොයනා ගමනක්දෝ
මෙතුවක් කල් ලුහුබැන්ඳේ
මිරිඟුව පසුපස වද්දෝ
පෙරුම්පුරා රැක ගත්තේ
මට හිමි නැති කිරුළක්දෝ
මහමෙර සුළඟේ වෙළුනා
අඹ දළුවක් සේ දැනුණා
මිහිකත දෙදරා වැටුණා
මහ වරුසා ඇද හැලුණා
මල්ලිකා එම් බණ්ඩාර
24.04.
2009
No comments:
Post a Comment