අමරණීය අමරදේව!

හෙළ සංගීත ක්‍ෂේත්‍රයට අමරණීය මෙහෙවරක් ඉටුකළ යුග පුරුෂයාණනි, ඔබට පිදෙන මගේ හෘදයංගම උපහාරයයි මේ!

හෙළ ගී උයන, මීඅඹ තුර නළවාන​

අමයුරු මියුරු ගී රොන්සුණු විසුරාන​

සඳ තරු අතර රැව් පිළි රැව් පතුරාන

නිහඬය දැයක් සුවපත් කළ​ කොවුලාන​

රළපෙල සිපගනියි දියඹෙහි දුර ඈත​

වැලිතල ඉකිබිඳියි ගොළු වෙරළෙහි මෑත​

සත්සර තනිවෙලා උල්පත ළඟ ගීත​

සඳපත ගිළිහිලා අඳුරුයි ළඟ පාත​

විකසිත පියුම් සුවඳින් සුවඳවත් කළ​

ජන හද නිවා සැනහූ පස් පියුම් විල​

වියැකිණි මෙහෙය නිමවා දිගු වසත් කල

නිම විණි දැයක් එකලූ මිණි පහන් සිළ​

මල්ලිකා බණ්ඩාර​

5. 11. 2016