කේන්දරේ පාළු වෙලා

උඩට උඩු වියන් බැඳලා

​පාවඩ පිට සුබ නැකතින්

මඟුල් තුලා හිර-හිදලන්

කෙරුනා ගම මුළුවක්කං ​

වෙල්ලෑවේ තම්බාගෙන​

කර ගැට එනතුරු දෑතේ

සුදු පිරුවට ඇපිල්ලුවේ

බඹා කොටන තුරු නළලේ

ගමේ දැරිවියන් ඔක්කොම

දීග ගියපු හැටි දැක්කම​

තොටමුණ ළඟ​ වක්කලමේ

ඉකිහැහුවා කොරවක්කන්

අතින් අතට දියවී ගිය

පත් ඉරුවට සීහෙන්නට

ඉරණම්කාරයෙක් නැතුව​

අඩ සියවසකුත් පිරුණා ​

උපන් දිනේ මඟෑරුනේ

හැමදාමත් සාද නැතුව​

මල්සරාගෙ දුනු ඊතල​

​මළකඩ බැඳිලාද කොහෙද​

බණ මඩුවේ පැදුර එලා

නවගුණ වැල ගණින ගමන්

ජාතක පොත් වහන්සේට

සාදුකාර දී වැඳ වැඳ​

සසරේ දුක මෙනෙහි කරන

කාලය දැන් ඇවිදිල්ලා

මල්ලිකා එම් බණ්ඩාර​ - 12.10.2017