දන්නවානම්...!

දන්නවානම් කෙනෙක්

මම වින්ද දුක්කන්ද​

මාපියන් ගෙන් තොරව​

දැනුණ අසරණ කම

ජීවිතේ පාළුව අත්වින්ද​

​

දන්නවානම් හිතට

නැඟුන සිතුවිලි

කුලගෙයට ගියදා පටන්

විඳිද්දී මදි පුංචිකම්  

අසද්දී අවලාද

දන්නවානම් කෙනෙක්

කුළුඳුලේ වැදූ පුතු

තිඹිරිගෙය තුළදීම​

මියැදි බව දැනුනාම

මගේ ළය අඟිරිගෑ විලාපය​

දරාගත නොහැකි දුක​

බෙදාගත නොහැකි විට

හඬා වැළපුණත් යළි

නැඟී සිට දෙපයින්ම​

උහුලාපු බව​ තනිව​

දන්නවා නම් කෙනෙක්

එද අයෙකි මා වැනිම​

මල්ලිකා එම් බණ්ඩාර​

 9. 11. 2017