වල්මත්වූවෝ

මහ බෝ සමිඳුන්ව ​කිරියෙන් දෝවන්ට​

මහ සෑරදුන්හට​ කන්චුක අන්දන්ට​

රස පලවැල නෙලා සෑ මුල අතුරන්ට​ ​

විවරණ කෙලෙස ලැබිණිද මිසදිටුවන්​ට?

එක දීපයක් දල්ලා සිත පහන් කොට

බිඳ හැර අවිදු ගණඳුරු මළ ඉවත් කොට​

ගුණ ණැන සුවඳ හද කුටියෙහි නිදන් කොට​

සම්මා  සති වඩව් සසරින් මිදෙන්නට

පට පිළි දුහුල් තිර බුදු බඳ වසන්නට​

දද බැඳ​ බෝධියේ කොළ අතු ගණ​න් කොට​

කෙහෙරැළි අතුරනා සඟ ගණ වඩින්නට​

නිවනක් කොයින් ණැන මඳ​ මාගමුන්හට​?

​

බුදුවරු සසර නිමවන මඟ සෙව්වෝය​

මුදවන්නෝ නොවෙති මඟ දන්වන්නෝය

දෙව්ලොව නොව සසර ඉම පෙන්වන්නෝය​

පැණසර නොවන උන් වල්මත් වන්නෝය​

මල්ලිකා එම් බණ්ඩාර​

14 .08. 2018