ප්‍රහේළිකාව

මවක සෙනෙහස  ළබැඳි 

ළමැද උණුසුම නොලද

දෙතන පුඩුවල පහස 

නොලද දෙතොලත රැඳී​

සිනා පොද සිරගතව 

මඟ බලාගෙන​ හිඳී

මඩම සෙවනක් වෙලා  

 කිමද​ මා  තනිවෙලා?

රොද බැඳුන කාන්සිය

සිත පෙලන විට නිබඳ

ලොව මැවූ දෙවිඳුන්ට​

මැවිල්ලේ කොතන හෝ

වැරැද්දක්වී ඇතයි
මට හිතෙන්නේ  කිමද​?

ළපටි සිත ඉකිගහන

වදන් ගත කළ නොහෙන​

අසංකෙය්‍යක් සිතැඟි පීදුනත්

අසම්මත කළලයක් ලෙස ගැබක පිළිසිඳී 

තිඹිරි ගෙයිදිම​  මියෙන​
කියා ගත නොහැකි සිතු උල්පතේ

තියා ගත නොහෙන දිය සීරාව​

වියැකිලා යන්නටද 
මිහිතලේ සැඟවුණේ?

මල්ලිකා එම් බණ්ඩාර​

01.09. 2017