අත් අඩංගුව​

නර කෙසක් දුටු මනත​

කළ වයස මනින​ පෙර නිමිති දැක​​

යාන්තං ජීවිතය පටන් ගන්නට හිතා​

බෝ මළුව පසෙක හිඳ​

ඇදිළි බැඳ පසඟ පිහිටවා ​ වැඳ​

තුටු පහටු වී අපිම​

මියෙන තුරු සෙවනැල්ල වී ඉන්න​

අතින් අත ගෙන ගිවිස

ගිමන් හැර උයන් දොර

මහ මළුව පෙනෙන දුර​

කෙසෙල් කොළයේ ඔතා

ගෙනා මහ පාන්දර

ලුණු මිරිස සමඟ හීලට හැදූ

කැකුළු බත​ ලිහාගත්තා පමණි

පොලෝසිය කඩා පැන​

දෙනෝදාහක් දෙනා ඉදිරිපිට
දක්කාන ගියා අපි දෙදෙනාම

"අයාලේ ගියැයි" චෝදනා කොට​.

​.

මල්ලිකා එම් බණ්ඩාර

 26. 09. 2017​