වන්දනා ගමන​

​දුනු දියෙන් මිදුනු 

සර පහර වළකා නිබඳ​,​

බලු රැලට ඉව දැනී

​දඩයමක් නොවන්නට​,​
වහන් වී හුළං අත

දියකඩක පැන් සනහනා
මුවැත්තක සේ බියපත්ව​

පොර බදා නිරතුරුව​

එතෙර යාගත නොහී​, 

පෙරුම් පුරනා සසර සාගරෙන්
ක​ණ කැසුබුවකු වගේ
අමාවකදාක​​ සඳ දකින්නට

මංජුසාවක දැමූ ජීවිතය
පැහැර ගනිතැයි සැකෙන්,

පරපුරෙන් පරපුරට​

විමුක්තිය සොයා යන​ 

වන්දනාකරුවන්ය අප හැම.​

සුවහසක් දන අතර වුවද හුදකලාවී

දිවි කතර  වැලි කුණාටුක මං මුලාවී 

වෙර සිඳී සා පිපාසිත සිතට 

ප්‍රේමයේ දිය පොදක තෙතමනය විඳින්නට

උල්පතක් වෙනු මැනව.

එය අමාවකි, අමා නිවනකි
සොයා ගිය මෙතුවක්  කලක් අපි
මිනිස් බව නම් වන්දනා ගමනේ

මල්ලිකා එම් බණ්ඩාර​

28. 09. 2017

​