ලෙන් දොර බිඳ දමා ඔද තෙද පා සිහබා
අන් සතු කළෝ අටුවේ කහවණු කොටහා
මංගල නැකතකින් උහු ගිය සඳ පියඹා
රැකදුනි චෝර පෙළපත යහතින් ගජබා
ගිනි කන සොයුරු පරපුරකට අභිමාන
මළකඩ බැඳුණ අසිපත අපිටම පාන
නුඹ පිවිතුරුද ලඳ, සළෙළුන් ළඟ දීන?
මරියා නොසිඳ ගත් ඇගෙ කොඳු ඇට රෑන
"මහතුනි මමයි ගල් ගැහුවේ" කීවාම
පිරිමින් "සුරුස්"ගා සැඟවී එවෙලේම
පාවා දුනි සටන සිරිතට හැමදාම
මහ පෙරහැරින් හිඳුවා කර මත දෝලා
හොර මුල එතෙර කර මඬමේ රඳවාලා
සුඛ විහරණ ගන්ට රස මසවුළු කාලා
රට කහවනු ගෙනෙව් අඹු උකසට දීලා!
දසකම හතක් බොරු බේගල් ඇද බෑවා
දෙවියන් බුදුන් විකුණා රට ගිනි ලෑවා
කොළපත අරන් නොරටුන්ටම අත පෑවා
උන් රජ කරපු නුඹලා හිඟමන ගාවා
ගන්නොරු, දන්තුරේ සටනට ලද ගැම්ම
ගිළිහී ගිහින් ජාතික සෝයුරු නැම්ම
සී සී කඩව දූ දරු මාපිය බැම්ම
යතිවරු පිළිම විණි දැය වැනසෙන කම්ම
මල්ලිකා එම් බණ්ඩාර
No comments:
Post a Comment