පාන්කිරිත්තී

පාන්කිරිත්තී පාන්දරින් නුඹ​

තනි පංගලමේ ඇවිදිල්ලා

අත්තක වහලා බලා ඉන්නවා​

පයින්ඩයක් මට ගෙනවිල්ලා

වාන්දමන හිත කාන්සියේ හිඳ​

හීන්සීරුවට නොතළල්ලා

තෝන්තුවාවෙන් ඉන්න වෙලාවට

දොඩමළු ඒ හිත නිවපල්ලා

ජෝඩු දමා එන පාන්කිරිත්තා

වෙලේ කොටනවද අද ඒ ඇත්තා  

හිතාමතා මඟ ඇර ඇවිදින්දෝ

දිරච්ච​ අත්තේ උඹ ඉඳගත්තා

පැටවුන් දෙන්නට අඬහැර දීපන්

කඹේ නටන්නට අවසර   දීපන් 

උන්ගෙ අපුච්චාටත් අඬගාපන්

රබාන ඇරගෙන සුරල වයාපන්

හතර දෙනයි අපි ආවෙ කියාපන්

හතරදෙනා මට ලකුණක් දීපන්

මල්ලිකා එම්. බණ්ඩාර​

22. 07. 2017