කැඩපත

කැඩපත මගේ වුණත් නුඹේ මුහුණ බලාපන්න​

පිළිබිඹුවකට හැකිය නුඹේ විදිය​   කියා දෙන්න​

මල් පෙති මෙළෙක​ රැඳුන කෙම්බිම අරක් ගන්න

​විසකුරු වන සතුන්ව එන මං  පිටුදකින්න  

කටමැත දොඩන උන්ට නොගොහින් ආවඩන්න​

දුක සැප ජය පැරැදුම දෙක එකසේ දකින්න​

දැක මගෙ පමා දෝස හරි නෑ තළුමරන්න​

නුඹෙ මිරිවැඩි සඟලේ එපා අනික් අය දමන්න​

ගත්තොත් ගලක් අතට ගහපන් ඉලක්කෙටම​

පළවෙනි ගල ගහන්න පව් නැති කෙනෙක් වෙන්න​

කුණු ටික හිස තියාන "ඉස් ඉස්" කියන්නෙපා

තමන් ගෙ කුණු පෙනේවි වක්කඩ අරින්නෙපා

මල්ලිකා එම් බණ්ඩාර​

12. 12. 2017