ආඥාවක්!

බයිබලයටත් වඩා ශුධවූ කන්‍යාව​

කිළිකුණු දෝවා නහා

සෝදාපන්න නුඹේ ඉණකඩ​

ගලවාපන්න ඔය​ දෑස් බැඳි

දිරාගිය​ රෙදිකඩ​

මළ බැඳුන තරාදිය සමඟ මොට අසිපත

විකුණාපන්න පරණ බඩු කඩයකට​

ශුධවූ ජාතියක අඬහැරය​

නවත්වාපන්න එක ඉසිඹුවක

ගල් ලෙනෙන් පිටට විත්

දෑස් ඇර බලාපන්

එකින් එක පිටු හැලෙන 

රෝම ලංදේසි පොත ඉරාදා

දෙතිස් වධ සන්නසක ලියාගෙන​

එකිනෙකා කටුබෙරේ දමන්නට

වධකයෙක් සොයාපන් 

තුලාවේ සමබරට

පසිඳින්ට නොහැකිනම් යුක්තිය​

පුදසුනේ වසුරුලා 

ගොදුරු ගිල දමන කළු කපුටන් ගෙ

පියාපත් කඩා බිඳ දමාපන්

කන්‍යාවකැයි කියන 

වෙසඟනකවූ නුඹට

ගල් ගසන තුරු නොසිට​

අයුක්තිය අසාධාරණය දෙස​

දෙනෙත් යුග විවර කර බලාපන්

ස්වේත හංසයින් මැද

තැනින් තැන සුවඳ දෙන

ධවල සියපත් ඇතත්

රිදී හෝතෙර පිපුණ​,

මඬ ගොහොරුවේ ලගින​

බයිසන් පට්ටියේ නාම්ඹන්

පිළිමහන්නට කෙනෙක් හොයාපන්!

මල්ලිකා එම් බණ්ඩාර​

25. 06. 2018