මිරිඟුව ලුහුබැඳ

මංමුලා වී සෙයිලමේ

සොයා අවේ මඟ දිගේ

මාව තනිකළ මාව අතහල 

නුඹෙන් නොලැබුණ රැකවරණයයි

සොයා අවේ මඟ දිගේ

නුඹට බියවී සැඟවුණෙමි මං

වහංවී යළි හමු නොවන්නට​

හෙලා මා මේ නරකයේ

මේ විසල් ලෝ කුහරයේ

නුඹත් සැඟවී යළි නොඑන්නට

වෙන්වුණේ අපි කුමන දේටද​

අදත් නැත පිළිතුරක් හමුවී

දරාගෙන දෝතින්ම​

සුණු විසුණු හද​ මඬළ​

හූල්ලන මිහිකතට වාවන්න බැරිතරම්

ගිරි දුදුළු දෙණිපෙත සිසාරා

සොයා යමි ගිළිහුණ ළබැඳි බව​

යළිත් නොලැබෙන බවද දැන දැන​

මල්ලිකා එම් බණ්ඩාර​

06. 11. 2019