සොඳුරු හෝ අඳුරු කඳු සිඛර තැනිතලාවන්
නොදුරු ඇස ගැටෙන මානයේ හුදකලාවන්
කඳුළ දුක සමඟ හස රැල් වහින වෙලාවන්
පාට දේදුණු අතර අඳිත මල් තලාවන්
මරුකතර අතරමඟ කෙම් බිමක රැඳෙන්නෙමු
විඩාබර ගිමන මැද සා පවස නිවන්නෙමු
හිඳින තැන එක හිතින් ජීවිතය විඳින්නෙමු
අදම මිස හෙට කුමට සුබ සිහින දකින්නෙමු
මරණයේ තීන්දුව අතින් ගෙන උපන්නෙමු
ජීවිතය අරුමයකි එතෙක් එය විඳින්නෙමු
ආ දිනය වාගේම යනදාත් නොදන්නෙමු
නියතවම යායුතුය එතෙක් අපි හිඳින්නෙමු.
ලොවින කටු බුදින ඉඳුලම
පතා වරදාන
ගොදුරු ලුහුබැඳ නොයා එකිනෙකා පරයාන
හැඳින පිය තෙපල යට සැඟව ඇති වෙස්මූණ
හිඳින එක වටී ණැන නුවණ දෙක පහදාන
මල්ලිකා එම් බණ්ඩාර
12.11. 2018
No comments:
Post a Comment