සුංගම් එකතු කරන්නාගේ කවිය​

 

සල් සපු නා වනේ සුවඳින් පුරවන්ට

නිල් දිය දහර මත මුදු රැළි අතුරන්ට

මල් වැහි ගෙනත් මද සුළඟේ තවරන්ට

මෝසං වැහි ඇල්ල එනතුරු ඉවසන්ට​ ​

 

මල් පිපුණාට බැද්දේ හැඩවැඩ වෙන්ට

දැල් ඇදුනාට​ රොන් හොයනා බමරුන්ට

පැල් බැඳුණාට බිඟු ගී නද පතුරන්ට

මල් දුන්නට බැරිද දුනුදිය බිඳ ලන්ට?

 

විල්තෙර බවුන් වඩනා පිළිහුඩුවන්ට

උස් ගිරි සිඛර පීරන ගිජු ළිහිණින්ට​​

ගොදුරක් නොවී තනි පංගලමේ ඉන්ට​

මැදුරක් මොටද මගෙ පැල් කොටය ඇති කොට​

 

ඉංගම් හොයන උන් වටපිට ​ සරන කොට ​

අංගම් පොර නොවැද​ මඟ හැර යන්න ගෙට​ ​

සුංගම් එකතු කර මං හනික එනකොට​

මල්මද බිසව් නුඹ එනවද පැන් තොටට​?

  

මල්ලිකා එම් බණ්ඩාර​

13, 01. 2022