රතු තරුව

ඉහට ඉහලින් පිපුණ හත්දින්න තරු පොකුර​

​හූල්ලන්නේ ඇයිද​ නෙළා ගන්නට බැරුව​

 සිහින් මීදුම් සළුව  කඳු මුදුන එතුනාට​​

යාකරන්නට හැකිද අහස සහ මහ පොළොව

 

සත් සමුදුරෙන් එහා හුදකලා කොදෙව්වේ​

නිම් වළල්ලම කපා පලා ආවෙන් ඉගිළ​

වෙහෙස දැරුවා පමණි දුර​ අහස සිප ගන්න

කොයිතරම් වැට කඩොළු තිබුණාද පැන ගන්න​

​

පෙරුම් පිරුවා මිසක​ කිරුළකට හිමි නොවන​ 

පළා උරහිස සැතින් ඔබ නිසා හිත රිදුන​

ඇණ ගැසන්නට යෙදුණ දකුණු කුරුසේ මුදුන

මුළු හිතින් පෙම් බැන්ද ​ මමයි නුඹෙ රතු තරුව 

​ 

දකුණූ දිග අහස් ගැබ අරා හිඳ බැලුම් ලන​

මුදාලන දුනුදියට​ ඉලක්කය අල්ලාන​ 

දඩයක්කාරයා නිරායුධවී හිඳින​

බඳ පටිය ලිහා ගෙන මඟ බලන කරුණ කිම​?

 

මල්ලිකා බණ්ඩාර

5. 02. 2022