හන්තානේ කඳු සිරසේ - එබී බලන දුර අහසේ
පීදෙන තරු මල් යායේ - නුඹ සැඟවී ඇතැයි හඟිමි
දිළී නිවී යන තරු වැල් - බොඳවී යන අයුරු දකිමි
උගසට දුන් අතීතයට - පණ පිඹින්න සුසුම් හෙලමි
කල්ප කාලෙකට ඉස්සර - මියැදුන ඒ තාරකාව
දිදී එළිය මගේ නෙතට - යදී යළිත් පායන්නට
ඉරා දමා සිහින සළුව - නිවා දමා පහන් සිළුව
මැදුරු දොරේ ලියා තිබුණි - නුඹට පිදූ පෙමට මිලක්
පෑරුණ හිත නළවන්නට - යදිනා මිමිණුමක් වගේ
අහංකාර නෙතු සඟළේ - කඳුළක් දිළිහුණා දුටිමි
කාලයෙ වැලි තලා මතින් - මිලානවූ කැකුළු මලක්
බලා හිඳි මෝදු වෙලා - පීදෙන්නට නවමු විලක්
මල්ලිකා එම් බණ්ඩාර
3. 01. 2019
No comments:
Post a Comment