රැහැයි ගීත​

පොප් රැප් ක්ලැසිකල් ෆියුෂන් තියලා

හුයෙන් හුයට ස රි ග ම ප​ ධ නි ස ලා

රැහැයි ගීතයෙන් කළ එළි වීලා

මගේ ගේ දොරකඩ සින්දු කියන්නේ

කාට ඇහෙන්නද රැහැයියනේ?

සිත තුළ ඉපදෙන තේමා අලලා

සමපද තාලෙට ගී පද බැඳ​ලා

ගීත ගයන්නේ මගෙ දුක දැනිලද​

මගෙ තනි නොතනිය පාළුව යන්නද​

රැහැයියනේ ?

අව අටවක  පුරසඳ  නැඟ​ බැහැලා

නාඹර වයසේ කඩ ඉම පැනලා

ගෙපැලේ දොර ඇත අඩවන් වීලා

ඊයේ අද මිස නොඑනා හෙට ගැන​

හීන දකින්නට වරම් නොමැති කොට​

එපා තවත් මා ගැන වෙහෙසෙන්නට​

රැහැයියනේ ?

මල්ලිකා එම් බණ්ඩාර​

02. 01. 2019