දූවිල්ල​

ඉසට සෙවනක් වෙන්න

නීල විල්ලුද වියන අතුරාපු

දිවා රෑ මායිමේ හිරුද​ සඳු රඳවාපු

සප්ත සාගර තටය කඩ ඉමේ

මිහිමඬළ සිටවාපු

තාරකා මණ්ඩල

මුතු අහුරු රටාවට​ සරසාපු

ඔබ  කව්ද නොදත්මුත්,

ගලන දිය වැල් අසල​

හමන මඳ නල රැඳුන​

සුවඳ මල් ගොමු අතර

හිඳිමි ඔබ දැක ගන්න

විශ්වයේ අරුමය​

විඳින්නට අපව​ මැවූ

කලාකරුවාණෙනි

අයා විශ්මිත දෑස

බලාහිඳිනා මම​

පියෙවි ඇස නොගැටෙනා

හීනි දූවිල්ලක්මි.​

මල්ලිකා එම් බණ්ඩාර​

21. 01. 2019