බකුසාණෝ

සුවහසක් තරු කැට -

නිවී ගිළිහී යන​ සඳ​

කඳෝපැණියෙකු ගැන -

 කුමන අටුවා අලංකාරද​

 

 විසගොර සපුන් දළ​ - 

දොවා​ සවණත හොවා අමයුර​

ලදපස් මල් ඉසින ​-​ 

දියෙන් ගිනි හුළු බඳින උන් දැන​ 

කිඹුල් කඳුළැල් ගඟ - 

පෙඟී පිහිනා රළ පතර බිඳ​​

නෑර කැටුවම හිඳ  - 

තනා මං පෙත් කටු අකුල් මැද​

 සබඳ බකුසිඳු සඳ - 

නිහඬ රෑයම සිතින් ඉකිබිඳ​

 මගෙ දුක් කඳ​ වැළඳ​ - 

 කියව, වෙහෙසක් දැනුණෙ නැතිවද?  

සත්කුළු පව් අතර 

හැපී යන්තම් රැකුන පණ පොද

සැවොම හැරැයන සඳ - 

 ඉන්ට හිතුනේ නුඹට විතරද​?

 

මල්ලිකා එම් බණ්ඩාර​

22. 07. 2023